مزيل العرق من بيزلين و فيتشي .. Deodorant Beesline & Vichy

                                                          بسم الله الرحمن الرحيم ..

 السلام عليكم و رحمة الله .. بما أننا بفصل الصيف كثير مننا راح يحتاج هالموضوع و ان شاء الله يفيدكم راح أتكلم عن الديديورنت ( مزيل العرق ) بالنسبه لي ما أحب استخدم اي شي الا بعد ما ابحث عنه خصوصا انها منطقه حساسه و كان أكثر شي ابحث عنه انه مايكون مزيل للعرق نفسه لأن هالنوعيه مضرة و كثير حذروا منها لأن اضرارها تظهر على المدى البعيد ، الافضل يكون مزيل لرائحة العرق يعني يقلل من ظهور الرائحه بدون ما يمنع التعرق و هذا النوع اصح و اخف اضرار ، راح استعرض نوعين من سنوات استخدمهم و ما أفكر اغيرهم لأني ارتحت عليهم  ..

المنتج الأول هو ديديورنت من بيزلين :
هالشركة غنيه عن التعريف شركة طبيه اتوقع توجد بأغلب الصيدليات بالسعوديه بس للأسف لما دورت عليها في الكويت مالقيتها ، بالبدايه كنت استخدم مزيلات عرق معطره و سمرت لي المنطقه و لما سمعت عن اضرارها قررت اتركها و كان بيزلين هو اختياري الاول و كثير انبسطت بالنتيجه لأن بعد اسبوعين تقريبا فتح لي المنطقه بدون اي خلطات و خرابيط و كمان ما كان يسكرها و تحسين انها مكتومه بالعكس من كثر ما أنه خفيف على البشرة تحتاجين تاخذين شاور بعد 24 ساعه ، عن نفسي حبيته و دايم ارجع اشتريه سعره بحدود 60 ريال تقريبا ..

 المنتج الثاني هو ديديورنت من فيتشي :
هالشركة طبيه ايضا و من الشركات المحببه لقلبي لأن كثير اشياء اجربها منهم يعطيني نفس الكلام على الممنتج ، بالنسبه لي الديديورنت حق فيتشي أقوى من حق بيزلين و صحيح هو مكتوب انه مفعوله يدوم 48 ساعه و كمان خفيف و تمتصه البشرة  بسهوله يحافظ على المنطقه بشكلها اهم شي انه ما يسمر ، موجود بأغلب الصيدليات و خصوصا صيدليات التجميل سعره بحدود 55 ريال ..

عموما بالنسبه لهالمنتجات الأفضل تختارينها بدون رائحه و بدون عطورات و كحول أنا افضل هالخيار لأنه حساسيه و كمان تضمنين انه ما يضر على المدى البعيد و ما يسمر لك المنطقه ،، و بكذا يكون انتهى بوست اليوم القاكم قريبا ..