السلام عليكم و رحمة الله و بركاته ..
قبل فترة كنت مسافرة و اضطرينا ناخذ بريك خلال الرحلة و بما أن المنطقة الشرقية على طريقنا ف وقفنا ب مدينة الخبر و اخترنا فندق السوفتيل الأكثر من رائع ف حبيت أتكلم عنه في هذا التقرير يمكن يفيد أحد منكم ..
اول شي الحجز كان عن طريق موقع البوكينج اللي ما ياخذ 5 دقايق و اتوقع اغلب الشعب يعرفه !
ثانيا اقدر اقول عن تجربتي انها موفقه و لله الحمد ، لما وصلنا كان المغرب و بداية اجازة و الفندق كان مزدحم لدرجة ماقدرت آخذ راحتي بالتصوير وقت الوصول (: لكن ماحسينا بهالشي لأن بسرعه عملنا التشيك ان و صعدنا الغرفة ما أخذنا وقت و أتوقع هالشي جدا مهم بأي فندق لأن اللي جاي على الأغلب مسافر و يحتاج هالسرعه على شان يقد يرتاح بعد الرحله ..
لما نزلت ثاني يوم كان هدوء و اخذت كم صورة سريعه نبدأ :
أكثر شي يجذبني بالفندق هو اللوبي و منه اقدر أحدد مستوى الفندق اذا 5 نجوم أو أقل 😍
أقدر أي مكان يقدم القهوة العربية ( العشق الأبدي ) 🙏❤️
بس نسيت اسجلها بالشروط و أكيد راح تكون اجمل
بما أننا في سفر ف كل شي حوسة النوم و الأكل و لما جعت بالليل و مافي مكان اروح له
طلبت من الروم سيرفس ، باين الأكل مافي تناسق بس لأن مو لي لوحدي (:
ميني تباسكو ما قدرت أقاوم و سرقتها معاي هههههههه
خلال اقامتنا كا فيه زواج بقاعة الفندق بما أنه اجازة و عرفت هالشي لما كنت في اللوبي لكن ماحسينا فيه لما كنا بالغرفه ابدا مع ان غرفتنا بالدور الرابع مو بعيدة كثير و كثير فنادق سكنتها قبل كذا كان يوصلنا الصوت للغرفه (: و هالشي مزعج الصراحه ؛ كنت حاطه في بالي اذا اعجبني الاوتيل راح اجرب السبا تبعهم و اول ما وصلنا قالوا ان في مساج فري و حددوا الساعه قلت فرصه و رحت للنادي الصحي و قال لي ان للرجال فقط و مافي للنساء>> مااحد طاح وجهه 😂😂
و بكذا يكون انتهى التقرير اتمنى انه يفيدكم لو بالقليل
و شكراً لوجودكم في مدونتي ..
No comments:
Post a Comment