التطبيقات الي ما استغني عنها للايفون و الايباد .. Applications for iphone & ipad

بسم الله الرحمن الرحيم .. السلام عليكم و رحمة الله ،، بوست اليوم غير عن المعتاد حبيت اشارككم أكثر تطبيقات ios  اللي استخدمهم و ما استغني عنهم .. 

أول شي هو التقويم الهجري ( Hijri Calendar ) ميزته انه يجمع بين التقويم الهجري و الميلادي و فيه خاصية الاشعارات للمناسبات مثلا الاعياد و رمضان و بامكانك تحددين التاريخ و تكتبين الموعد اللي تحتاجين تتذكرينه و هو يرسل لك قبل الموعد بيوم و بنفس يوم الموعد اللي حددتيه صراحه اعتبره من الاشياء اللي رتبت حياتي و ما اقدر استغني عنه ..

المركز الثاني بالنسبه لي هو أذكار ( athkar ) كثير مننا ينشغل و ينسى يقرأ الأذكار بوقتها هذا التطبيق ساعدني كثييير لأني اقدر اختار التوقيت المناسب لي و يسوي لي تنبيه ف ألتزم اكثر بقرائتها و فيه ادعيه كثير غير الأذكار ..

هذا التطبيق  ( SalahForFalah )  هو لتحديد القبله احتاجه كثير لما أكون برا البيت و الجميل أنه مايحتاج نت صراحه يفك أزمه لي و كمان فيه توقيت الصلاة اي مكان تروحينه يتحدث تلقائي اعتبره منقذ وقت السفر ..

هذا التطبيق الجميل  ( iCurrency )  لتحويل العملات كمان مناسب للسفر تلاحظون اغلب اشيائي للسفر (: السبب أني اتنقل كثير ف احتاج اشياء تسهل لي حياتي و هو مفيد اكيد بكل الاحوال ما يقتصر على السفر خصوصا اذا كنتي تحبي تتسوقين اون لاين و فيه خاصية المفضله تحددين فيها العملات اللي تحتاجينها كثير على شان ماياخذ منك وقت ..

من اجمل البرامج اللي اعشقها و فادتني كثييييييير و احيانا تضيع وقتي لأنه صراحه ادمان هو البينترست ( pinterest ) اللي يحبون الصور و التصوير راح يحبونه و مو شرط الصور فيه معلومات قيمه و مفيده و متشعب اعتبره قوقل نمبر 2 لأني يجمع لي تجارب ناس مثل و بالصور اذا حبيتي طبخ او فاشن او ديكور او تربيه او حفلات جدا ملهم و يطلعك على اشياء ماكنتي تعرفينها قبل عيبه الوحيد انه يحتاج انقلش و حتى لو ماتعرفين كثير عادي تترجمين الكلمات اللي تحتاجينها و تحطينها بالبحث و تستمعين بالصور و الأفكار ..

هذا التطبيق مناسب لمحبي الافلام  ( IMDB ) يعتبر مرجع بالنسبه لي مو هاويه او مهووسه بالافلام لكن احب اتفرج بين فترة و الثانيه و بما اني مو متابعه جيده ف هذا التطبيق فادني طريقته احط اسم الممثل او الممثله اللي احب اشوفهم و يطلع لي كل افلامهم و يكتب لي تفاصيل عن الفيلم صور و مقطع فيديو صغير و نوعه اذا هو كوميدي او دراما .... الخ و بأي سنه انعمل و حتى لو احد قال لي عن فيلم اقدر ابحث عنه و اشوف الممثلين و نبذه عنه اذا يحمس او لا حسيت يختصر الوقت بدال ماتحملين اشياء ما تحبينها او تشوفين شي و تنصدمين انه مو جوك و غير كيذا انا من النوع اللي مستحيل يحفظ ف كثير انسى اسماء الممثلين او الافلام و اضيع بالبحث عنهم و هذا ساعدني كثير ..

انتهى البوست .. اتمنى يكون فادكم لو بالقليل و اسعدني تواجدكم في صفحتي ,, اذا عندك اي اقتراح او سؤال انا موجوده على التويتر و السناب شات و انستقرام  @Liberty_Blogger



                                                        .................................