البلانر اللي اخترته ل سنة 2016 .. My Planner 2016

بسم الله الرحمن الرحيم ..

السلام عليكم و رحمة الله .. بما اننا بدينا سنة جديده ان شاءالله تكون خير علينا و تكون سنة انجازات و فرح حبيت اتكلم عن البلانر و النوت اللي استخدمهم بما انني مهووسه بالهالاشياء و ما اقدر امشي بدونها و احسها شي مهم و ضروري بحياة كل شخص و مو شرط يكون عندك وظيفه او مشروع او شيء مهم على شان تستخدمين المنظمات و تكتبين مهامك اليوميه بالنسبه لي الكتابه تزيد من انتاجيتي و تركيزي .. و هذي الدفاتر انواعها كثير و ماتخلص فيه اشياء مقسمه و فيها جدول و فيها اشياء بيضا و انتي تحطين فيها اللي يناسبك و فيه اشياء انتي تقدرين تطبعينها يعني الخيارات كثير و كل شخص يختار اللي يريحه راح اتكلم عن الاشياء اللي استخدمتها سواء فادتني او لا و عن اختياري لبلانر 2016 .. 

اول نوعيه راح اتكلم عنها هذا النوت الجلد اخذته من مكتبة جرير من داخل فيه سلك ينفتح من النص و تحطين الاوراق فيه اخذت الاوراق من جرير بعد و كانت اوراق عاديه بس فيه اوراق تطبعينها او تطلبينها من المواقع تكون مقسمه بالشكل اللي تحبين ..

بالنسبه لي هالشكل فادني لأن استخدامه مرن و مريح و لأني اشخبط بكيفي مافي شي يقيدني أحيانا احس اني اخاف من الجداول و الاشياء اللي فيها جديه أكثر دايم أخذ اشياء بدون تواريخ او شيء محدد .. 

النوع الثاني حبيته من اول نظرة صغير بحجم كف اليد و مقسم من الداخل بالأسابيع و الايام و بدون تواريخ و فيه اوراق كثير فاضيه يناسب تبدين فيه باي وقت من السنه و ما يقيد عيبه انه بدون سلك لكن ماعدا ذلك اعتبره ممتاز طلبته من موقع قرطاسيه راح احط الرابط تبعهم يمكن تستفيدون منه لأنه عندهم اشياء مفيده تقدرين تطبعينها مجانا ..

http://shop.qurtsyah.com.sa/

النوع الثالث يعتبر دفتر عادي اوراقه من داخل بيضا مافيها اي شي انتي تسجلين و تدونين اللي تبين بالنسبه لي احبهم خصوصا اذا كان عندي فترة راحه و مو مزحومه بالشغل احب استخدم هالانواع و انا ما اعتبرها بلانر لكنها افادتني و هذا المهم .. 

هذا جدا صغير ناسبني للشنط اخذته من اسطنبول و كان فيه احجام و الوان مختلفه 

هذا مافي شي مميز ابد و اللي شدني له هو العبارة اللي مكتوبه كثير حبيتها و حسيتها تحمس 

if you can dream you can do it "

اخذته من مكتبه عاديه لما كنت في كوالالمبور 

و هذا مثل الاثنين السابقين و اعترف بعد انه شدني له شكله و طريقة رسم الفراشات مميزة اتوقع واضح حبي لها (: و حتى طريقة الاسلاك من فوق اعجبتني حسيتها عمليه اكثر اخذته من مكتبه معروفه ب اسطنبول نسيت اسمها لكن موجوده بأغلب المولات ..

النوع الرابع و الاخير هو بلانر حقيقي مو لعب مثل اللي قبل مع اني افضلهم بس حبيت اغير هالسنه و اشوف اذا ساعدني استمر عليه السنوات الجايه و لأن هالسنه عندي اشغال كثير و المفروض انها تكون بتواريخ محدده ف حبيت ارتب نفسي اكثر و اخترت هالنوع اللي يكون مقسم و مجدول و بما انه جديد راح افتحه من الداخل و نشوفه مع بعض بالصور .. 

هذي البدايه مثل التقويم لسنة 2016 

                                                     و هذي صفحه في بداية كل شهر جدول مرتب و واضح

                                                   كل شهر له الوان و ثيم مختلف عن الثاني حبيت هالشي

                                                  و هذا الجدول اليومي اللي تسجلين فيه ملاحظاتك

                     
                                                  و نهاية كل شهر فيه مساحة فاضيه تدونين فيها

                                   و نهاية البلانر فيه صفحات فاضيه تترك لك مساحه بدون جدول و شيء الزامي

هذا البلانر اخذته من محل اسمه TYPO  لما كنت مسافرة هالمحل جدا جميل عن نفسي عشقته لأني احب المحلات اللي من هالنوع فيها اغلب الاشياء اللي احبها مثل النوت و البلانر و الاقلام و الحروف الجداريه و الاكواب الجميله و مخدات الطياره و شنط اللاب و كثير اشياء بألوان جميله و رسومات غريبه ان شاء الله قريب انزل صور أكثر للمحل و الاشياء اللي اخذتها منهم ..


   و هذا بوست اليوم كان المفروض ينزل ببداية شهر 1 لكن حصلت لي ظروف منعتني " ان شاء الله تكونون استفدتوا و القادم افضل باذن الله .. اذا عندك اي استفسار او تعليق يوزري على الانستقرام و التويتر و السناب @Liberty_blogger  (: