تجربتي مع فيتامين البيوتين لاطالة الشعر .. Biotin Vitamin

السلام عليكم و رحمة الله و بركاته ..
موضوع اليوم عن فيتامين البايوتين اولا راح نتكلم عنه بشكل عام و بعدها راح انقل لكم تجربتي ..
فيتامين البيوتين عبارة عن فيتامين ب و هم مهم لنمو الخلايا و يلعب دور هام في البناء الغذائي للجسم و توليد الطاقه و يحافظ على مستوى السكر في الدم ، و هو علاج ممتاز يصفه الطباء الجلديه في حالة ضعف الشعر او الاظافر ف يقويهم و يزيد نموهم و اذا نقص في الجسم ف يزيد من جفاف الجلد و يتساقط الشعر و في حالات اخرى يصابون بالاكتئاب و الانيميا و الم العضلات ..

بعض البائل الطبيعيه للبيوين :  

الجزر - اللوز - الجوز - منتجات الالبان - التوت - الفراوله - البصل - الخيار - القرنبيط - السلق - السمك - البيض

تجربتي مع الفيتامين : 

اولا راح اتكلم عن طبيعة شعري متوسط الطول دهني من الجذور مع الصبغات صار جاف من الاطراف و في الفترة اللي فاتت كان يتساقط و باهت نوعاما و لما قرات عن الفيتامين اكثر شي لاحظته بالتجارب انه يزيد بطول الشعر و كنت مهتمه كثير  بهالجانب لأني ناويه اقص الاطراف المصبوغه على شان يتوحد لونه ، و الفترة اللي استخدمت فيها الفيتامين كنت احاول اكثر شرب المويه و نظامي الغذائي لا بأس فيه الشيء الوحيد اللي ما قدرت اعدله هو النوم للاسف الشديد ): 

بالنسبه لي جربتها لمدة شهرين متواصله و انقطعت عنها لظروف صحيه و الان راجعه اكملها لأن العلبه تحتوي على 100 حبه لاحظت ان شعري تحسن كثير عن قبل خصوصا الطول و زيادة النمو ما كنت متوقعه هالنتيجه ابدا خصوصا اني قطعت الكورس و ما استمريت لكن النتيجه كانت جدا مرضيه من ناحية الطول لكن التساقط ماخف ابدا و مالاحظت اي تحسن ، بالنسبه للاظافر تحسنت اكثر من قبل و صارت اقوى ، فيه اشخاص من اللي جربوا الفيتامين لاحظوا ظهور حبوب على بشرتهم بعد استخدامها أنا لاحظت هالشي لكن ما كانت مؤذيه بالنسبه لي ظهرت لي حبتين على الخد و بعدها بفترة كم حبه على الذقن و أنا عادة يطلع لي حبوب بوجهي وقت الدورة الشهريه ف ماركزت انها منها او من شي ثاني اللي تتأزم من الحبوب تستخير قبل ما تستخدمهم ..
الجرعه كانت حبه يوميا مع او بعد الوجبات و يفضل تكون وجبه اساسيه متكامله اكثر شي حبيته بهالفيتامين هو حجم الحبه صغير جدا و ابيض مو مثل اغلب الفيتامين الحبه كبيره ممكن تشرقين فيها و كمان ريحتها سيئه ..

مكان الشراء : اي هيرب 

توجد في الصيدليات و محلات GNC

سعر الشراء : حدود 30 ريال 

بحثت عنه في الصيدليات و مالقيت الجرعه اللي ابيها اللي هي ( 10،000 mg ) لقيت حرعة 5000 و كان سعرها مبالغ فيه جدا و خيرة اني مالقيته على شان اطلبه اونلاين و لقيته ارخص بكثير ..
هذا رابط الموقع اللي طلبت منه الفيتامين و معلومات اكثر عنه  :  فيتامين البيوتين .. Biotin vitamin 

ملاحظه : قبل اخذ اي فيتامين يجب استشارة الطبيب و عمل التحاليل اللازمه و لابد ان نهتم بالأكل و شرب الماء و الالتزام بمواعيد النوم ليلا و عمل الرياضه حتى لو كانت نصف ساعه يوميا ف كل هالاشياء عوامل مساعده و مع اخذ المكمل الغذائي راح تظهر النتيجه المرجوة باذن الله ..
اتمنى ان يفيدكم الموضوع لو بالقليل
القاكم قريبا بمواضيع جديده
اذا عندك استفسار انا موجوده
على انستقرام و تويتر و سناب شات
@liberty_blogger