VITAMIN E OIL .. تجربتي و رايي في زيت فيتامين E

بسم الله الرحمن الرحيم .. السلام عليكم و رحمة الله ,, اتمنى أنكم بأفضل حال عدت لكم ب بوست لطيف و هو عن تجربتي مع زيت فيتامين E بما انه انتشر الفترة الاخيرة انتشار كبير و سمعت مدح عليه ف تحمست اني اجربه 

..

اولا : فوائد زيت فيتامين اي منها الترطيب العالي و حماية البشره من علامات الشيخوخه و الاكسده ، التخفيف من التصبغات و علامات تمدد الجلد و اثار الحبوب , المساعده على ليونة الجلد خصوصا منطقة الركب و الاكواع ، ينعم و يصغر المسام و يساعد في القضاء على الخطوط الرفيعه حول الفم و العين و له فوائد كثيرة للشعر وله عدة استخدامات راح اذكرها ببوست آخر .. 

ثانيا : قوام الزيت جدا ثقيل يعني كم نقطه تكفي وماله رائحه قويه او مميزة بما انه عندي حساسيه من الروائح ف هالنقطه تهمني كثير بأي منتج اجربه 

 ثالثا : مكان الشراء طلبته اون لاين من موقع آي هيرب الشهير و سعره حدود 30 ريال تقريبا و يوجد في متاجر انستقرام ..

رابعا : تجربتي و طريقة اسنخدامي له ,, بما ان الزيت ثقيل جدا و انا مااحب ملمس الزيت على البشره و خصوصا انه الجلد مايمتصه بسرعه ف كنت احط نقط بسيطه مع كريمات سواء كريم الوجه او اليدين او لوشن الجسم ،، من خلال تجربتي لاحظت تغير بسيط ببشرتي المسام صارت انعم و اخف نوعا ما و يعني لاحظت نعومه بسيطه و نظارة حبيت هالشي و يمكن مع الاستمرار اكثر اشوف نتائج افضل ..

الشي اللي حبيته كثير و اللي يخليني استمر مع هالمنتج لاحظت تغير كبير بيديني اولا النعومه و احس لما اكون مستخدمته البشرة تكون مترطبه فتره طويله ما احتاج ارطبها كل شوي و الاحظ الفرق كبير اذا ما استخدمته .. 

الشي الثاني الي حبيته هو التفتيح كنت احس اللون اللي عند المفاصل طبيعي يكون اغمق شوي من باقي اليد و بعد ما استخمدمته لون توحد و صار لون واحد مثل باقي اليد حبيت هالشي كثير و على شان كذا تحمست استخدمه على مناطق ثانيه من الجسم 

الشي الثالث من خلال تجربتي هو الجلد حوالين الاظافر هذا الشي يتعبني كثير كنت كل اسبوعين لازم اروح مشغل على شان انظف اسوي منيكير و قريت كثير انه مو كويس و اذا لزم الامر مرة بالشهر بحثت كثير عن كريمات عن مشاكل الجلد حول الاظافر بس من اتركها ترجع نفس السالفه للاسف و بعد ما استخدمت الزيت اختفت المشكله الحمدلله و صار نادرا مايتطلع لي هالمشكله و بكم اظفر فقط يعني بالنسبه لي فرق عن قبل و هالسبب بعد يخليني استمر عليه مع عنايتي بيدي خصوصا ان استخدامه جدا سهل .. 

و هذا كل شي بالنسبه لاستخدامي و تجربتي مع زيت فيتامين e 

اتمنى تستفيدون منه و اذا لكم تجربه معاه او استخدام مختلف ياليت تنقلون لي تجربتكم 

حساباتي على انستقرام و تويتر و سناب شات 

@liberty_blogger