تجربتي ل كريم أساس لوريال انفاليبل و رأيي فيه .. Foundation Infallible LOREAL

 السلام عليكم و رحمة الله .. من اكثر الاشياء اللي احتار فيها وقت شراء الميك اب و انا من النوع اللي ما احب الكريمات الثقيله و ما استخدمها الا بالمنسبات حبيت اغير هالفكرة اللي في بالي و جربت BB كريم CC كريم و سمعت كثير عن هالجميل اللي بالصورة و لقيته متوفر برا ما يحتاج اطلب و اشوف درجتي و كثيييير عجبني و قررت اتكلم عنه  اللي هو كريم اساس من شركة لوريال باريس ..
اولا انا بشرتي مختلطه عندي هالات خفيفه تحت العين و اكيد من مشاكل البشرة الدهنيه او المختلطه ( المسام ) ..
اكثر شي اعجبني انه خفيف جدا يعني ابدا ما يكتم البشرة مثل بعض الكريمات لا بالعكس تحسين بشرتك مرتاحه و تتنفس و انتي حاطته ، و من مواصفاته انه قابل للبناء فحبيت هالميزة و جربته باستخدام طبقه وحده خفيفه للصباح و الطلعات السريعه و كان جدا جميل و جربت استخدمه و احط كذا طبقه و حبيت نتيجته كثيييير اغلب الكريمات لو حطيتي طبقتين بس يبين كيكي او كانه مثل الدقيق ببشرتك لكن مالاحظت هالمشكله مع فونديشن لوريال ، كنت احط طبقه بسيطه و انتظر تتشربه البشره و اشوف النتيجه اذا حسيت ابي زياده رجعت حطيت طبقه ثانيه ،، من الاشياء اللي لاحظتها انه يرطب البشره يعني يعطي لوك ديوي خفيف و لمعه بسيطه تناسب النهار ,, بالنسبه للثبات اعطيه 7 من 10 و ممكن لو كنتي حاطه كذا طبقه يكون ثباته اعلى ..
الدرجه اللي اخذتها 20 SAND و كمان فيه درجه جدا جميله للي يحبون البرونز جربتها عند اختي اسمها HONEY
اخذته من ميونخ و كان سعره حدود 15 يورو فرق عن اسعارنا للاسف ..

بما ان كلامنا عن الفاونديشن عندي موقع استفدت منه كثييير خصوصا اذا بطلب كريم اساس اون لاين
يساعدك باختيار درجتك لان مثل ما نعرف كل شركة تختلف عن الثانيه .. طريقته جدا سهله اذا عندك
كريم اساس من قبل من اي ماركة و عاجبك لونه و مناسب درجتك ، الموقع فيه 3 خطوات الاولى
تختارين البراند او الماركة اللي جربتيها قبل ، الخطوه الثانيه تحددين نوع المنتج هل هو كريم اساس
 او باودر او كونسيلر و الخطوة الثالثه تختارين الدرجه اللي جربتيها و اعجبتك بعدها راح يحط لك خيار
اذا تبين تضيفين منتج ثاني او تكتفين بمنتج واحد و بعدها راح يطلع لك افضل الكريمات اللي راح تناسب
بشرتك و لونك من ماركات ثانيه و بكذا يكون سهل عليك الاختيار و عرفتي الدرجات القريبه منك ..
و هذا الموقع
  FINDATION.COM

انتهى بوست اليوم شكرا لكم على تواجدكم
لو عندك اي استفسار او حابه تتابعيني على
حساباتي بالانستقرام و التويتر و سناب شات
على نفس اليوزر ..
 @Liberty_Blogger

..