بسم الله الرحمن الرحيم ..
السلام عليكم و رحمة الله و بركاته .. بوست اليوم خفيف و لطيف و ان شاءالله راح يفيدكم كثير بمناسبات العيد و الزيارات الطويله اليوم راح أتكلم عن منتج كثير جربوه و مدحوا فيه اللي هو كريم اساس استي لودر دوبل وير(Foundation Estee Lauder Double Wear) و بما أن لي رأي مختلف ف حبيت اتكلم عنه ..
أولا وصف بسيط لبشرتي : أنا بشرتي مختلطه و عندي مسامات خفيفه بالخد و الجبهه و احيانا يكون عندي حبوب بسبب النفسيه و الاكل الغير صحي ..
طريقة استخدام المنتج : لازم قبل اي ميك اب يكون فيه تحضير للبشرة من تنظيف و ترطيب الخطوة الأولى بعد الترطيب هي البرايمر و بعدها اوزع الفاونديشن على البشرة و لازم ندمجه كويس و بسرعه على شان ما يتكتل و ناخذ راحتنا بالدمج لأنه هو اساس الميك اب الجميل و النظيف ..
الفرشاة : هي f80 من سيجما من سيت الكابوكي برش و تكلمت عن الفرش بالمدونه قبل كيذا و هذي الفرشاة بالنسبه لي سحر من كثر ماهي تسهل علي عملية الدمج و تطلع لي الفاونديشن نظيف و متجانس أحبها كثير ..
بعد استخدامي للمنتج كذا مره و بكذا مكان أولا الفاونديشن ثقيل مرررة و حق مناسبات ابدا مو مناسب للاستخدام اليومي ، ثباته جدا عالي مستحيل يتحرك من مكانه وبالنسبه لي يخفي العيوب الا الحبوب لازم استخدم كونسيلر و يوحد اللون بشكل جميل خصوصا اذا اخترتي الدرجه المناسبه ..
بالنسبه لي حبيته كثير يريح كثير بالمناسبات و السهرات ما اخاف انه يبهت او يخف لونه و الشي اللي ازعجني فيه حسيته ينشف البشرة شوي مو كثير هذا أول استخدام و لما لاحظت هالشي حاولت ارطب بشرتي اكثر قبل استخدمه و الحمدلله مشى معاي كويس .
و هذا بوست اليوم ان شاءالله يفيدكم لو بالقليل ، و كل عام و الجميع بخير و صحة و سلامه ..
No comments:
Post a Comment