السلام عليكم و رحمة الله و بركاته ..
قبل فترة كنت ابي اجرب كريم اساس ماك و اخترت معاه البرايمر اللي قبل الميك اب و الباودر لتثبيت الميك اب طبعا ماك معروف عنهم تنوع درجاتهم و عندهم لاين ( NW ) للبشرة الدافئه اللي تميل للبيج و الوردي و ( NC ) للبشرة البارده اللي تميل للبيج الذهبي كيف نعرف نوع بشرتنا ؟؟ الاختبار اللي طبقته على نفسي باني اشوف عروق اليد و بانارة جيده او نور الشمس العروق الزرقا تدل على بشرة بارده و العروق الخضرا تدل على بشره دافئه و اذا كانت العروق لونين اخضر و ازرق ف البشرة محايده و مهم جدا نعرف نوع بشرتنا لأنه على اساسه راح تعرفين ايش اللي يناسبك من الوان مجوهرات و اكسسوارات و كمان لون الشعر و الملابس اذا حبيتي اقراي بالتفصيل عنه ،، بالنسبه لي قريت هالاشياء قبل اروح اشتري و سئلت الموظفه هناك و ساعدتني بس ما اقتنعت الا بعد التجربه ..
اول شي و قبل كل شي لازم نحضر البشرة قبل الميك اب عن طريق تنظيفها بالغسول المناسب و ترطيبها و بعدها نستخدم البرايمر عن نفسي مستحيل استغني عن هالخطوة لانها ضروريه بالنسبه لي و يفرق الميك اب اذا معاه برايمر او لا و حتى خلال الاستخدام يكون الفاونديشن سهل الاستخدام و الدمج و راح يثبت معاك فترة اطول و أنا افضل الفاونديشن اللي استخدمه استخدم معاه البرايمر من نفس الماركة و هذا اللي اخترته من ماك و كثير ممتاز ارتحت عليه قوامه مثل الجل و يعطي احساس البشرة المخمليه و الفرشاة اللي استخدمتها معاه من ذا بودي شوب المفروض انها للفاونديشن بس ماحبيتها لأنها تخلي الفاونديشن يخطط ف استعملتها للبرايمر و ماشيه كويس معاي ، و هذا اسم البرايمر ..
PREP + PRIME
BASE VISAGE
الخطوه الثانيه هي الفاونديشن ( studio fix fluid ) بعد ماينشف البرايمر نبدا نفرد الفاونديشن و بالنسبه لي مهم اختيار الفرشه للفاونديشن لأنه هو اساس الميك اب و مهم انه يكون نظيف و مرتب ، اخترت درجة ( NW 15 ) مع ان بالاختبار اللي سويته طلع لي ان بشرتي بارده و انا اعجبنتي درجة البشرة الدافئه اكثر بما ان بشرتي بارده ف ابي شي يدفيها ما ابي شي يبهتها خصوصا اني ما أحب الفاونديشن الوردي ، قبل اتكلم عن الفاونديشن راح اتكلم عن نوع بشرتي : مختلطه و فيها مسام و عندي سواد تحت العين خفيف احيانا اعاني من مشكلة الحبوب بس مو فترة طويله الحمدلله و هذا الفاونديشن اعجبني كثير تغطيته عاليه بالنسبه لي و ما حسيته ثقيل او يكتم البشره مثل ( الدوبل ويير تبع استي لودر ) ثباته ممتاز خصوصا اذا استخدمت البرايمر قبل و ثبته بباودر و استخدامي له كان مناسبات و بشكل عام أنا ما أفضل استخدام الفاونديشن بشكل يومي يكفي الواقي و البي بي كريم بالنسبه لي ، استخدم معاه فرشة كوستال اللي موجوده صورتها تحت و جربت استخدم فرشاة سيقما كابوكي F80 و ممتازة تكلمت عن مجموعة الكابوكي قبل كيذا تلقينها هنا
و آخر خطوة هي تثبيت الميك اب بالباودر بالنسبه لي ما اشوفها خطوة مهمه لكل الاشخاص و يعتمد على المناسبه و الجو يعني في عوامل كثير تحدد لنا هالشي بالنسبه لي احب استخدمها على الجبهه و الانف و احيانا الذقن بما ان بشرتي مختلطه و اذا كنت طالعه بالنهار او كان الجو حار او كانت المناسبه وقت طويل مثل سهره او زواج اضطر استخدمها و اخذها معاي اعدل فيها اذا وصلت
و الباودر اللي استخدمها اغلب الوقت سواء مع فاونديشن ماك او غيرة لأني احبها هي ( MINERALIZE SKINFINISH NATURAL ) درجتي ميديم لأني مثل ماقلت ما احب الفاتح كثير جدا طبيعه و لونها هادىء حتى لو كثرت مو كثير يبين لون قوي تعطي نور للوجه و تغنيني عن كثير اشياء اذا كنت مستعجله ، استخدم معاها الفرشاه الجميله اللي اتوقع كثير يحبونها ريل تكنيك REALTECHNIQUES POWDER BRUSH الفرشاه جميله و ما تاخذ كثير باودر عموما فرشهم جدا عمليه و ممتازة مقارنه بسعرها انصح بجميع فرشهم ..
انتهى البوست ان شاءالله يكون افادكم لو بالقليل اي استفسار تلقوني على ( تويتر انستقرام و سناب شات )
Liberty_Blogger
No comments:
Post a Comment