products drugstore NYX .. منتجات درق ستور ماركةNYX

                                                                 بسم الله الرحمن الرحيم ..

السلام عليكم و رحمة الله !! تدوينة اليوم عن ماركة NYX للميك اب هي شركة امريكيه تصنف من ( الدرق ستور ) اللي تكون اسعارها منخفضه و جودتها ممتازة ؛ جربت اشياء كثير من عندهم راح استعرض اكثر الاشياء اللي احبها ؛ نبدأ

                                                 المنتج الأول هو البلاشر (أحمر الخدود )
 هو بلاشر باودر مات ( مطفي ) طبيعي جدا و ثباته من متوسط الى ممتاز و أكثر شي حببني فيه علبته صغيرة و عمليه جدا
سواء ب ميك اب الشنطه او بالسفر حبيته كثير مقارنة بسعره كان بحدود 25 ريال أو اقل لأنه أحيانا ينزل خصم على هذه الماركة زيادة على أسعارها الجميلة (:  ، أخذت منهم كذا درجه بس للأسف الباقي عندي و اللي بحاله جيده اثنين فقط ): !!

                                                         *  DUSTY  ROSE    PB02
هذا اللون وردي فاتح نوعا ما و هادي اتوقع يناسب الميك اب النهاري ، انا بشرتي بيضا على اصفر شوي استخدمته مع كريم أساس و بدون كريم أساس و ناسبني وأتوقع يناسب اغلب الدرجات لأنه فاتح و لون أساسي بالميك اب ..


                           

                                                        * ESPRESSO   PB23
هذا اللون من الألوان الغامقه أو الدافيه أحس يناسب الميك أب الثقيل و لازم استخدم كريم أساس قبله ما احس ينفع لوحده جربته مع كذا درجة أساس اعجبني مع البرونز أكثر لأن مثل ما قلت من الالوان الدافيه ..

                                               
                                                    المنتج الثاني هو روج كريمي  ( Lip cream )
كثير حبيت هالمنتج من عندهم و الصراحه ما أعتبره كريمي بس ، لأنه فيه أنواع منها الكريمي المطفي و الكريمي ب لمعه و المات ثباتهم ممتاز و ألوانهم واضحه جدا و تقريبا مثل اللون الخارجي للعلبه و يطولون ما يخلصون عن نفسي فيه الوان مليتها و ما خلصت ماشاءالله (: و اسعاره كمان رخيصه بس ما ثبتها كويس ..

                                                     *   xtreme lip cream   XLC11
هذا النوع يعتبر كريمي لكن مافي اي لمعه او ( glow ) لون واضح فقط اقدر اقول ان قوامه كريمي و مظهره مات و ثباته ممتاز لكن اذا فيه اكل او شرب ف أكيد راح يخف بالنسبه حبيت وضوح اللون فيه و حبيته مع أكثر مع فل ميك اب ما أحس ينفع لوحده ..

                                                *  xtreme shine lip cream    XLC05
هذا مختلف عن اللي قبله اختلاف بسيط هو كريمي بس لمعه طبعا لمعة اضاءه او توهج و مو لمعة قليتر اعتبره من الألوان الدافيه
جميل و ثباته متوسط لكن يحتاج دقه شوي و انتي تستخدمينه بما أنه كريمي ف ممكن يحوس و قوامه ثقيل نوعاما

                       
                                                     *  soft matte lip cream   SMLC05
و هذا كمان مختلف عن الاثنين اللي قبل و بالنسبه لي هذا افضل و حبيته أكثر لأنه مات ( مطفي ) و كمان ناعم ما يقشر او ينشف الشفايف مع اني افضل الترطيب قبل استخدام الأرواج المات هذا النوع بدايته كريمي و سهل بالاستخدام و بعد كم ثانيه يبدا ينشف و يعطي لوك مات حبيته كثير و من الاشياء المفضله بالنسبه لي لونه مشمشي تقريبا من الألوان الصيفيه البحته ثباته جدا ممتاز ..

  ملاحظه : الماركة موجودة ب سنتربوينت و اغلب الوقت آخذها من الكويت الاقي الستاند مرتب و فيه خيارات كثير
  للدرجات و الألوان بالنسبه لي افضل من سنتربوينت الرياض كل ما أمرهم اقول يمكن القى شي جديد او ماجربته
 قبل بس للأسف احصل كل شي حوسه و مكركب ماتقدرين تجربين ): ف اذا حصل و مريتي ب مكان غير الرياض
استغلي الفرصة و جربي ، و أسعارها جدا مناسبه و اعتبرها رخيصه مقارنة بجودتها و اسعارها اون لاين كمان اقل (:
 بكذا يكون انتهى البوست ان شاءالله تستفيدون و القادم أجمل باذن لي و لكم ..