Products L'Oreal Hair .. منتجات من شركة لوريال للشعر

                                                               بسم الله الرحمن الرحيم ..

السلام عليكم و رحمة الله و بركاته .. قبل فترة كنت صابغه شعري صبغة فاتحه نوعا ما و جربت شامبوات كثير على شان اشوف الأنسب لي ،، بالنسبه لي ما احبذ الشامبو تكون ريحته قويه و مميزة لأنه أكيد راح يكون ضرره أكثر مع ان بعض الروائح تجبرك ترجعين تاخذينها بس الأفضل ماتكون للاستخدام اليومي لأنها تدمر الشعر عن تجربه كل ما ككان الشامبو خفيف كان ضرره اقل .. و ان شاءالله في الفترة القادمه راح اتكلم عن تحربتي مع الشامبو الطبيعي اللي عملته بنفسي بالبيت و فادني كثير ..
اليوم راح أتكلم عن شركة لوريال الغنيه عن التعريف جربت من عندهم نوعين و النوع الثالث بالطريق بس بما ان احب اجرب الشي فترة طويله على شان احكم عليه ف راح اكتفي بهالنوعين اليوم ..

النوع الأول هو ELVIVE colour-protect :
استخدمت م هذا النوع الشامبو و البلسم و العنايه اللي هو الماسك كثيييير حبيت هالمجموعه جدا رائعه هي مخصصه للشعر المصبوغ تحافظ على اللون بعد كل استعمال و تعطي لمعه للشعر بما أن الشعر بعد الصبغه يبهت و بعد كم غسله يتغر لونه ف هذا الشامبو يحافظ عليه ويعزز اللون أكثر كثير حبيته من الشامبوات المفضله و بالنسبه للبلسم ما صورته هنا لأني مو صحبة مع البلسم ف ما جربته كويس و بشكل مستمر ،، الماسك اللي بالصورة هو عنايه للشعر المصبوغ من ضمن المجموعه الحمرا الجميله كمان هو ممتاز بالنسبه لي يخفف من التشابك و و يخلي قوام الشعر ثقيل كنت استخدمه مرتين الى ثلاث مرات بالأسبوع يعني مو بشكل يومي مثل الشامبو و اعطوني نتيجه ممتازة و صبغتي ظلت فترة طويله مثل ماهي و أكيد لما ارجع اصبغ شعري هو خياري الأول ..

النوع الثاني هو ELVIVE total repair 5 :
هذا النوع هو معالج للشعر التالف بالبروكيراتين + السيراميد اللي فهمته من المنتج انه يعيد القوة للشعر و يخفف من البهتان و التقصف و التساقط أول شي ريحته كانت قويه نوعا ما بعكس المجموعه الحمرا ف تخوفت منه شوي بس قلت يمكن لانه معالج كملت استخدامه و ما حسيت بفرق بشعري أو انه تحسن لأنه كان يتساقط و باهت من بعد الصبغات ، بالنسبه لي عندي قناعه تامه أن الشعر التالف ماراح يصلح الا بالقص لأنه اذا خليتيه التقصف يمشي على الشعر ف الأفضل كل شهرين ناخذ من الشعر اطراف بس للي يحبون الطويل و كمان التساقط ماراح يكون الحل بالشامبو او البلسم أو اي منتج للشعر هذي الاشياء مساعده فقط لازم نشوف السبب الرئيسي لهالتساقط و نعالجه من فيتامين و نظام غذائي و سهر و غيره ، ف أنا ما انتظرت المعجزة من هالشامبو و مع ذلك مو كثير حبيته و ما فادني و كذلك البلسم استخدمه  على اطراف الشعر على شان يخفف من النفشه شوي ...

و هذا بوست اليوم ان شاءالله يفيدكم اتمنى لكم قراءة ممتعه ؛ اتشرف بمتابعتكم و تواصلكم على السناب شات و الانستقرام و التويتر @liberty_blogger ..