Saturday, January 16, 2016

البلانر اللي اخترته ل سنة 2016 .. My Planner 2016



بسم الله الرحمن الرحيم ..
السلام عليكم و رحمة الله .. بما اننا بدينا سنة جديده ان شاءالله تكون خير علينا و تكون سنة انجازات و فرح حبيت اتكلم عن البلانر و النوت اللي استخدمهم بما انني مهووسه بالهالاشياء و ما اقدر امشي بدونها و احسها شي مهم و ضروري بحياة كل شخص و مو شرط يكون عندك وظيفه او مشروع او شيء مهم على شان تستخدمين المنظمات و تكتبين مهامك اليوميه بالنسبه لي الكتابه تزيد من انتاجيتي و تركيزي .. و هذي الدفاتر انواعها كثير و ماتخلص فيه اشياء مقسمه و فيها جدول و فيها اشياء بيضا و انتي تحطين فيها اللي يناسبك و فيه اشياء انتي تقدرين تطبعينها يعني الخيارات كثير و كل شخص يختار اللي يريحه راح اتكلم عن الاشياء اللي استخدمتها سواء فادتني او لا و عن اختياري لبلانر 2016 .. 


Sunday, October 25, 2015

بشرة جميلة مع منتجات ماك .. Beautiful skin with mac products




السلام عليكم و رحمة الله و بركاته .. 

قبل فترة كنت ابي اجرب كريم اساس ماك و اخترت معاه البرايمر اللي قبل الميك اب و الباودر لتثبيت الميك اب طبعا ماك معروف عنهم تنوع درجاتهم و عندهم لاين ( NW ) للبشرة الدافئه اللي تميل للبيج و الوردي و ( NC ) للبشرة البارده اللي تميل للبيج الذهبي كيف نعرف نوع بشرتنا ؟؟ الاختبار اللي طبقته على نفسي باني اشوف عروق اليد و بانارة جيده او نور الشمس العروق الزرقا تدل على بشرة بارده و العروق الخضرا تدل على بشره دافئه و اذا كانت العروق لونين اخضر و ازرق ف البشرة محايده و مهم جدا نعرف نوع بشرتنا لأنه على اساسه راح تعرفين ايش اللي يناسبك من الوان مجوهرات و اكسسوارات و كمان لون الشعر و الملابس اذا حبيتي اقراي بالتفصيل عنه ،،  بالنسبه لي قريت هالاشياء قبل اروح اشتري و سئلت الموظفه هناك و ساعدتني بس ما اقتنعت الا بعد التجربه .. 


Sunday, October 18, 2015

منتجات من لش .. Products from LUSH





بسم الله الرحمن الرحيم ..
السلام عليكم .. من كنت صغيرة و انا احب اهتم بنفسي و اغلب الاشياء اللي استخدمها لازم تكون طبيعيه و اشياء احضرها بنفسي بالبيت لأن ماما ما كانت ترضى اجرب تخاف اخربط بنفسي مع اني دايم حايستها بالمطبخ ههههههههههه و بما اني ما اسستغني عن العنايه و اتضايق لو اهمل نفسي و بالفترة الأخيرة كثرت مشاغلنا و مس}لياتنا ف أحيانا ما نلاقي وقت للبحث و تجربة الخلطات ف حاولت ادور بديل يكون اسرع و شي جاهز استخدمه اي وقت و أخيرا عرفت هالمحل الجميل ( لش ) و كنت دايم اتفرج و احتار ايش راح اخذ هالمره اليوم راح اتكلم عن كذا شغله جربتها من عندهم  .. 



Thursday, July 16, 2015

كريم أساس ايستي لودر دوبل وير .. Foundation Estee Lauder Double Wear





                                                        بسم الله الرحمن الرحيم ..
السلام عليكم و رحمة الله و بركاته .. بوست اليوم خفيف و لطيف و ان شاءالله راح يفيدكم كثير بمناسبات العيد و الزيارات الطويله اليوم راح أتكلم عن منتج كثير جربوه و مدحوا فيه اللي هو كريم اساس استي لودر دوبل وير(Foundation Estee Lauder Double Wear) و بما أن لي رأي مختلف ف حبيت اتكلم عنه ..

Tuesday, June 30, 2015

Products L'Oreal Hair .. منتجات من شركة لوريال للشعر




                                                               بسم الله الرحمن الرحيم ..


السلام عليكم و رحمة الله و بركاته .. قبل فترة كنت صابغه شعري صبغة فاتحه نوعا ما و جربت شامبوات كثير على شان اشوف الأنسب لي ،، بالنسبه لي ما احبذ الشامبو تكون ريحته قويه و مميزة لأنه أكيد راح يكون ضرره أكثر مع ان بعض الروائح تجبرك ترجعين تاخذينها بس الأفضل ماتكون للاستخدام اليومي لأنها تدمر الشعر عن تجربه كل ما ككان الشامبو خفيف كان ضرره اقل .. و ان شاءالله في الفترة القادمه راح اتكلم عن تحربتي مع الشامبو الطبيعي اللي عملته بنفسي بالبيت و فادني كثير ..
اليوم راح أتكلم عن شركة لوريال الغنيه عن التعريف جربت من عندهم نوعين و النوع الثالث بالطريق بس بما ان احب اجرب الشي فترة طويله على شان احكم عليه ف راح اكتفي بهالنوعين اليوم ..

Monday, June 15, 2015

مزيل العرق من بيزلين و فيتشي .. Deodorant Beesline & Vichy





                                                          بسم الله الرحمن الرحيم ..


 السلام عليكم و رحمة الله .. بما أننا بفصل الصيف كثير مننا راح يحتاج هالموضوع و ان شاء الله يفيدكم راح أتكلم عن الديديورنت ( مزيل العرق ) بالنسبه لي ما أحب استخدم اي شي الا بعد ما ابحث عنه خصوصا انها منطقه حساسه و كان أكثر شي ابحث عنه انه مايكون مزيل للعرق نفسه لأن هالنوعيه مضرة و كثير حذروا منها لأن اضرارها تظهر على المدى البعيد ، الافضل يكون مزيل لرائحة العرق يعني يقلل من ظهور الرائحه بدون ما يمنع التعرق و هذا النوع اصح و اخف اضرار ، راح استعرض نوعين من سنوات استخدمهم و ما أفكر اغيرهم لأني ارتحت عليهم  ..

Thursday, May 21, 2015

طلبية من موقع آي هيرب الشهير iherb ..




                                                                بسم الله الرحمن الرحيم


  السلام عليكم و رحمة الله .. موضوع اليوم عن موقع آي هيرب أتوقع الأغلب يعرفه و جرب الطلب منهم (: راح أتكلم عن الموقع
  و اعرض الأشياء اللي طلبتها و أي استفسار أنا حاضرة .. فكرة الموقع أن منتجاته طبيعيه عضويه من أشياء الاهتمام بالشعر و البشرة والدايت و ميك أب الدرق ستور و منتجات العنايه بالأطفال و غذائهم هو موقع امريكي أسعاره جدا مناسبه و بمتناول الجميع تجربتي معاهم كانت جميله من بداية الطلب الى وصول الشحنه و ماأخذوا وقت أبد تقريبا أقل من أسبوعين و الموقع جدا سهل أثناء
  الطلب و مافي تعقيد حبيته و أكيد راح أعيد التجربه بس بعد ما أجرب الاشياء اللي طلبتها .. و الحين راح استعرض اشيائي اللي طلبتها !