Friday, March 11, 2016

مشترياتي في السفر ,, My shopping in the travel ( Make up & Beauty and more ) 2015 ..






السلام عليكم و رحمة الله و بركاته ..  بوست اليوم مختلف شوي عن اللي قبل و هو عن مشترياتي الفترة اللي فاتت حسيت ان فيه اشياء ممكن اشارككم فيها ممكن تفيدكم او تستمتعون فيها مثل متعتي بكتابة هالبوست ..

      أول شي هو مشتريات الصيدليه مكاني المفضل لو اجلس فيه ساعات ما أمل و هالمره الصيدليه في ماليزيا و كان فيها منتجات كوريه و اندونيسيه تجذب كثير .. اللي ورا ماسك للوجه ب نكهات مختلفه ، و الكبسولات الملونه الصغيرة هذي امبولات للشعر كل لون له وظيفه معينه انا صراحه بديت باللون البنفسجي لأنه للشعر المصبوغ و راح اكمل عليها فترة و اذا نفعتني راح اتكلم عنها بالتفصيل هنا باذن الله ..

Sunday, January 24, 2016

دلة يتوق .. صانعة القهوة العربيه .. Yatooq " Arabic Coffee Maker






 السلام عليكم و رحمة الله و بركاته .. اليوم موضوعي مختلف احترت الصراحه ايش تصنيفه بس الاهم انه يفيدكم باذن الله ، البوست مفيد لعشاق و مدمنين القهوة مثلي خصوصا القهوه العربيه رفيقتي في كل مكان و زمان بالنسبه لي يتخربط يومي اذا ماشربتها و اساسا ما قد جربت اني ما اشربها لاسمح الله (:  لكن شفت وقت الصيام كيف اتعب و ما اصحصح و يخف صداعي الا اذا شربت كم فنجان احس الازعاج اللي بمخي يبدا يخف تدريجيا ههههههه ، و ما أنكر اني اشرب القهوات الأخرى بارد و حار ماعندي مشكله لكن راح اتكلم عنهم بموضوع منفصل و بعد ما أتأكد من تجربتي ..                                                        
                                                                         دلة يتوق
هي مشروع شبابي سعودي هم اللي اخترعوا هالدله على شان تسهل علينا صنع القهوة العربيه و الاستمتاع فيها خصوصا في  وقت السفر بالنسبه للي ما يستغنون عنها ..


Saturday, January 16, 2016

البلانر اللي اخترته ل سنة 2016 .. My Planner 2016



بسم الله الرحمن الرحيم ..
السلام عليكم و رحمة الله .. بما اننا بدينا سنة جديده ان شاءالله تكون خير علينا و تكون سنة انجازات و فرح حبيت اتكلم عن البلانر و النوت اللي استخدمهم بما انني مهووسه بالهالاشياء و ما اقدر امشي بدونها و احسها شي مهم و ضروري بحياة كل شخص و مو شرط يكون عندك وظيفه او مشروع او شيء مهم على شان تستخدمين المنظمات و تكتبين مهامك اليوميه بالنسبه لي الكتابه تزيد من انتاجيتي و تركيزي .. و هذي الدفاتر انواعها كثير و ماتخلص فيه اشياء مقسمه و فيها جدول و فيها اشياء بيضا و انتي تحطين فيها اللي يناسبك و فيه اشياء انتي تقدرين تطبعينها يعني الخيارات كثير و كل شخص يختار اللي يريحه راح اتكلم عن الاشياء اللي استخدمتها سواء فادتني او لا و عن اختياري لبلانر 2016 .. 


Sunday, October 25, 2015

بشرة جميلة مع منتجات ماك .. Beautiful skin with mac products




السلام عليكم و رحمة الله و بركاته .. 

قبل فترة كنت ابي اجرب كريم اساس ماك و اخترت معاه البرايمر اللي قبل الميك اب و الباودر لتثبيت الميك اب طبعا ماك معروف عنهم تنوع درجاتهم و عندهم لاين ( NW ) للبشرة الدافئه اللي تميل للبيج و الوردي و ( NC ) للبشرة البارده اللي تميل للبيج الذهبي كيف نعرف نوع بشرتنا ؟؟ الاختبار اللي طبقته على نفسي باني اشوف عروق اليد و بانارة جيده او نور الشمس العروق الزرقا تدل على بشرة بارده و العروق الخضرا تدل على بشره دافئه و اذا كانت العروق لونين اخضر و ازرق ف البشرة محايده و مهم جدا نعرف نوع بشرتنا لأنه على اساسه راح تعرفين ايش اللي يناسبك من الوان مجوهرات و اكسسوارات و كمان لون الشعر و الملابس اذا حبيتي اقراي بالتفصيل عنه ،،  بالنسبه لي قريت هالاشياء قبل اروح اشتري و سئلت الموظفه هناك و ساعدتني بس ما اقتنعت الا بعد التجربه .. 


Sunday, October 18, 2015

منتجات من لش .. Products from LUSH





بسم الله الرحمن الرحيم ..
السلام عليكم .. من كنت صغيرة و انا احب اهتم بنفسي و اغلب الاشياء اللي استخدمها لازم تكون طبيعيه و اشياء احضرها بنفسي بالبيت لأن ماما ما كانت ترضى اجرب تخاف اخربط بنفسي مع اني دايم حايستها بالمطبخ ههههههههههه و بما اني ما اسستغني عن العنايه و اتضايق لو اهمل نفسي و بالفترة الأخيرة كثرت مشاغلنا و مس}لياتنا ف أحيانا ما نلاقي وقت للبحث و تجربة الخلطات ف حاولت ادور بديل يكون اسرع و شي جاهز استخدمه اي وقت و أخيرا عرفت هالمحل الجميل ( لش ) و كنت دايم اتفرج و احتار ايش راح اخذ هالمره اليوم راح اتكلم عن كذا شغله جربتها من عندهم  .. 



Thursday, July 16, 2015

كريم أساس ايستي لودر دوبل وير .. Foundation Estee Lauder Double Wear





                                                        بسم الله الرحمن الرحيم ..
السلام عليكم و رحمة الله و بركاته .. بوست اليوم خفيف و لطيف و ان شاءالله راح يفيدكم كثير بمناسبات العيد و الزيارات الطويله اليوم راح أتكلم عن منتج كثير جربوه و مدحوا فيه اللي هو كريم اساس استي لودر دوبل وير(Foundation Estee Lauder Double Wear) و بما أن لي رأي مختلف ف حبيت اتكلم عنه ..

Tuesday, June 30, 2015

Products L'Oreal Hair .. منتجات من شركة لوريال للشعر




                                                               بسم الله الرحمن الرحيم ..


السلام عليكم و رحمة الله و بركاته .. قبل فترة كنت صابغه شعري صبغة فاتحه نوعا ما و جربت شامبوات كثير على شان اشوف الأنسب لي ،، بالنسبه لي ما احبذ الشامبو تكون ريحته قويه و مميزة لأنه أكيد راح يكون ضرره أكثر مع ان بعض الروائح تجبرك ترجعين تاخذينها بس الأفضل ماتكون للاستخدام اليومي لأنها تدمر الشعر عن تجربه كل ما ككان الشامبو خفيف كان ضرره اقل .. و ان شاءالله في الفترة القادمه راح اتكلم عن تحربتي مع الشامبو الطبيعي اللي عملته بنفسي بالبيت و فادني كثير ..
اليوم راح أتكلم عن شركة لوريال الغنيه عن التعريف جربت من عندهم نوعين و النوع الثالث بالطريق بس بما ان احب اجرب الشي فترة طويله على شان احكم عليه ف راح اكتفي بهالنوعين اليوم ..