بسم اله الرحمن الرحيم .. السلام عليكم و رحمة الله .. اول بوست في المدونه عن الطبخ و الوصفات و ان شاءالله تفيدكم بالنسبه لي ما اعتبر طباخه و ما احب اخذ وقت طويل في المطبخ و احب ابحث عن طرق سهله و سريعه و الاشياء المعقده اكنسلها من الاساس او اجيبها جاهزه و اشتري راحتي ، عموما اغلب طبخاتي بمزاج و الحمدلله يطلع الاكل لذيذ .. انا من محبي الاكلات الهنديه لكن اذا رحت مطعم احس بتعب بعدها بسبب كثرة البهارات و السبايسي ف قررت اتعلم كم وصفه سهله اسويها في البيت اذا اشتهيت هالنوع من الاكل و بنفس الوقت اتحكم بالطعم و النكهه اللي تناسبني جربت الوصفه مرتين تقريبا و الحمدلله ضبطت و اعجبتنا راح احاول ارتبها على شان تكون سهله عليكم ..
المقادير :
زبده او زيت
ثوم مهروس
بصل صغير
كزبرة مفرومه
زنجبيل مبشور
دجاج مكعبات
صوص طماطم
معجون طماطم
زبادي
ملح
فلفل اسود
كركم
بهارات المسالا او
البرياني ..
الطريقه :
نسخن الزيت او الزبده و بعدها البصل الى ان يتحمر و بعدها الثوم و الزنجبيل اذا تجانسو ننزل الدجاج و انا احب انتظر عليه ان يستوي و بعدها انزل صوص الطماطم ( ممكن تعمليه بالبيت او تاخذيه جاهز و فيه صوص من كاركة MF جدا لذيذ و منه انوع للمسالا و البرياني انا اخذ منه ملعقتين مع صوص البيت ) و المعجون و اقصر للنار و اتركه ياخذ الطعم على نار هائه بعدها البهارات ( ملح و فلفل اسود و كركم و بهارات المسالا ) و آخر شي الزبادي لما نلاحظ الصوص صار ثقيل معناه انه جاهز نضعه في زبدية التقديم و نرش فوقه كزبره مفرومه طازجه و بس .. غالبا يكون جانبها رز أبيض و البعض يحبها مع الخبز ..
انتهى بوست اليوم و بالعافيه عليكم اتمنى تجربون الطريقه لذيذه و سهله و ماراح تاخذ منكم وقت خصوصا لو الاشياء مجهزة و مقطعه من قبل مثل البصل و الثوم و صوص الطماطم و مكعبات الدجاج ان شاءالله قريبا راح انزل طرق لتسهيل عملية الطبخ و الاشياء اللي ساعدتني ..
شكرا لكم على تواجدكم في صفحتي القاكم قريبا باذن الله ..
للتواصل : انستقرام تويتر سناب شات @liberty_blogger
..............................................
No comments:
Post a Comment