أجوائي الرمضانيه في منزلي الصغير ..

بسم الله الرحمن الرحيم .. السلام عليكم و رحمة الله مبارك عليكم هذا الشهر الفضيل ،، هذا الرمضان غير بالنسبه لي لأني أول مره أكون بالكويت كامل الشهر فحبيت أسوي تغييرات بسيطه للبيت تعطي أجواء و تحمسنا للقراءة و العباده ، و بما أني كنت مسافرة و رجعت قبل رمضان بكم يوم ف ما أمداني اطلع السوق بس قلت ماراح يمنعني هالشي و استخدمت اشياء عندي من قبل بتغييرات بسيطه تعطي روح للمكان و تغير علي الجو لأن رمضان بعيد عن الأهل صعب جدا مع انه شهر عباده و الواحد يلهى فيه بس قرب الأهل له طعم غييير و( الحمدلله على كل حال )

..

أول شي طاولة القهوة مهم عندي شكلها و ترتيبها لأنها بغرفة المعيشه و قدامي اغلب الوقت ، جبت صينيه قديمه عندي من سنوات كان لونها عنابي كئيب رشيتها بخاخ ذهبي و حطيت فيها فانوس ايكيا الشهير و شمعه بالبطاريه ( شكله بالظلام اجمل ) و طبعت دعاء عن رمضان و حطيته بالبراوز الذهبي مع الورده الصغيره ، و استخدمت مفرش الطاوله هاند ميد اخذته من تركيا قبل فتره و كنت محتاره وين استخدمه ، حبيته اعطاني شكل جميل للمكان .. 

و هنا عند سجادة الصلاة اليوميه حطيت سله صغيره فيها المصحف و خاتم التسبيح و المسواك منها يكون كل شي قريب

 من السجاده و منها ديكور لطيف و جميل ..

و على طاولة الأكل ما غيرت فيها كثير لأن اكلنا بالبيت بسيط دايم يكون برا ، بس اعدت ترتيبها و اضفت لها السبورة الصغيره

 ( اهلا رمضان ) 

و هنا طاولة كان لها ديكور في بالي بس جا رمضان و وقفنا الخطط ف حبيت اضيف عليها لمسات بسيطه على شان ما تكون فاضيه من اليمين أباجورة صغيره و اليسار صينية ايكيا البيضا رشيت بخاخ الذهبي و حطيت فيها اشياء البخور و مبخرة البيت اليوميه و مبخرة الشعر و الجسم ، و الخلف استخدمت سبورة خشبيه صغيره عندي من زمان و ما اعجبتني ك سبورة لانها صغيره ف ثبت عليها اوراق طبعتها من البنترست عن رمضان و جدول يومي للشهر .. 

                                                    ........
مضت 10 ايام سريعه و القادم أسرع ..ف يارب تقبل دعائنا و صيامنا و قيامنا و ارزقنا الاخلاص و حقق لنا ما نتمنى ..