ترطيب اليدين Moisturizing hands ..

بسم الله الرحمن الرحيم .. 

بما ان فصل الشتا قرب او دخل علينا ف آكيد محتاجين كريمات و اشيا تساعدنا على الترطيب غير اللي كنا نستخدمهم 

الاوقات الماضيه ، لان معروف فصل الشتا يكون جاف خصوصا بمنطقتنا و كثرة استخدامنا  للمويه الحاره تزيد الموضوع 

سوء " و الحمدلله آن فترة الشتا عندنا ماتطول ف نقدر نسيطر على الوضع و معروف ايضاً ان الترطيب الخارجي او الداخلي ينعم و يوحد لون البشرة  ... 

اليوم راح اتكلم عن كريمات اليدين  و الاشياء اللي استخدمتها سوا ناسبتني او لا ؟! 

                         
                              آول منتج هو كريم اليدين من لوكسيتان  (  L'Occitane hand cream  ) 

اكيد الاغلب يعرف هذه الشركة ( لوكسيتان ) شركة فرنسيه للعطور و منتجات العنايه بالبشرة اشتهترت باستخدام زبدة الشيا ب مستحضراتها ( طبعا زبدة الشيا غنيه عن التعريف و اذا راح نتكلم عنها راح يكون لها موضوع خاص ) نرجع للكريم  اللي هو الاكثر مبيعا لديهم يوجد منه 30ml , 75ml  ترطيبه جدا عالي تمتصه البشرة بسهوله و ينشف بمعنى انه 

ماتحسين فيه شي يلزق او يدبق بيدك او حتى طبقه ثقيله لا بالعكس مع ترطيبه المكثف احس اليد تتنفس و الاهم من هذا 

انه ماله ريحه هذا شرطي لما ادور على اي منتج و خصوصا اذا ابي استمر عليه ؛ الكريم رائع يستحق التجربه خصوصا 

الحجم الصغير عملي جدا .. 

                           المنتج الثاني هو كريم مرطب من سيتافل   (  cetaphil moisturizing cream  )

هذا الكريم غير مخصص لليدين ممكن استخدامه للجسم اغلب منتجاتهم مناسبه للبشرة الحساسه و كمان للاطفال اللي عندهم اكزيما بما ان الكورتيزون غير مناسب لهم ف منتجات سيتافل هي البديل المناسب ؛ هذا المرطب ممتاز جدا ترطيبه 

عالي و الافضل انه يضل فترة طويله بدون ما تحتاجين تعيدين عليه كل شوي اتوقع اني تعودت عليه لاني انتظر انزل الصيدليه علي شان اجيب لي واحد منه و بعد هالكريم تشجعت كثير اني استخدم اشيا ثانيه من منتجاتهم ؛ سعره 77 ريال 

                          المنتج الثالث هو زبدة اللوز من بودي شوب   ( almond hand & nail butter ) 

بما انها زبدة فاكيد ح يكون قوامه اثقل من الكريم ، و زيت اللوز عموما مفيد لاشياء كثيييير منها الاظافر و البشرة و الشعر لان نسبة ترطيبه عاليه " لكن هذا المنتج ما ناسبني لعدة اسباب اولا مالقيت الترطيب الكافي اللي احتاجه و ثانيا احس فيه طبقه او غلاف علي اليد يعني ما تمتصه البشرة بسرعه و ثالثا لان فيه ريحه الرائحه اللي فيه ابدا مو سيئه بالعكس بارده و هاديه لكن انا بالنسبه لي اتحسس من الروائح ف هذا من المساويء بالنسبه لي ؛ سعره 59 ريال  100ml 

و قبل لاينتهي الموضوع نصيحه من مجرب الترطيب يبدأ من الداخل قبل الخارج بكثرة شرب السوائل المفيده خصوصا الماء
انتظمي على شرب 8 أكواب يوميا من الماء و راح تشوفين الفرق بنفسك ..
تدوينه بسيطه و خفيفه عن ترطيب اليدين لان مع  الترطيب تنحل مشاكل كثير و  ان شاء الله تكون افادتكم لو بالقليل ..
لو عندكم اي استفسار تواصلوا معاي على تويتر ، انستقرام ، سناب شات @Liberty_Blogger